الصفحة الرئيسية > أجمل أبيات الشعر العامي > ايه احبك
ايه احبك
ايه احبك ..قلتها مليون مره
قلتها وقلبي يردد لك صداها
من غلاك الشوق مشعل فيني جمره
لا حشى جمره ولا كل ٍ قواها
هذا خلي اعشقه بخيره وشره
لو يضيق الكون ما ضقت بفضاها
حبها مكّن بقلبي له مقره
واعمت عيوني ما اناظر في سواها
(خالد بن تركي)
4byt.com
ياعين لا تبكين ترى البكا عيب
حتى ولو صكَّات بقعاء قوية
و يارِجل لو جْبارتِك للعراقيب
عدَّاية المشراف حقك عليه
لابد ماتجبر كسورك وانا اطيب
بإذن الله الرحمن رب البريه
من طلعتي لين امتلا عارضي شيب
وانا ورا الهقوات عيني شقية
أغوص غِبّات البحر نكس واجيب
غناة نفس من صباها غنية
مانيب من يقنع بهزل المكاسيب
ولانيب من يجزي الحساني بسيه
(ضيدان بن قضعان)
التعليقات