الصفحة الرئيسية > أجمل أبيات الشعر العامي > أقسى من آلام الجروح
أقسى من آلام الجروح
وش علام الحزن عيا لا يروح
وليه ما جفت دموع البارحه
ابتسم والروح لأقصاها تنوح
والوكاد دموع عيني فاضحه
دنيتي جرحي ودنياهم مزوح
مثل مرج الماء فرات ومالحه
أشهد ان العمر مكتوب بلوح
وما لغصات الموادع شارحه
وأشهد ان أقسى من آلام الجروح
حاجة المجروح للي جارحه
(دماث)
4byt.com
من كثر ماضاقت من احبابي عيوني
ماعاد شفت الطريق اللي يوديني
شريت ببكاي ضحكتهم وبكوني
إلا احرقوا دم قلبي في شراييني
مروا علي مثل الاشباح وتعدوني
لا ضيعوا عقلي ولا غيروا ديني
صديت عنهم ورحت أمشي على هوني
وأن جيت أدورهم الله لا يحييني
من رخصهم لو من دموعي شحب لوني
مع كل دمعه يطيح أثنين من عيني
(فلاح القرقاح)
التعليقات