ليه القمر يدعـي جريح المحبّه؟
وَ يقول له يا هيه .. ما فات ما مات
جرحك ظهر لو قلت للوجـه خبّه ؟
وَللحزن في ضحكك رسوم وَ علامات
وَليه المطر بالذات ريحـه وَ صبّه
كنّه رسول بين الاحباب بالذات ؟
اشتاق فيه لشوفتك وَ اتنبّه
للي نسيته مـن مواقف وَ نظرات
لا تحسب ان دمعي نزل دون سبّه
ابكي من الفرقا وَ هي مابعد جات
اليوم كل أمورنا مستتبّه
وَ بكره ماندري وش معه من مسرّات
اربّ قلبك مثل قلبي اربّه
ما يخلفه شور العرب وَ المسافات
(محمد بن فطيس)
4byt.com