مشتاق والشوق رغم البعد سرّاني
وسريت مسرا الفشق من فاه رشاشه
ما فيه موتر من السرعة تعدّاني
ولا فيه ساهر أمر إلّا على فلاشه
من جرب الشوق يعرف منه وش جاني
ومن لامني قلت هذا الشوق ما ناشه
( سليمان الشاردي)

الجرح يبرى لو تطاول مع الهم
والصمت مرهم مشترين الطوايل
خذها نصيحة بلا حسابات او كم
مهما كبر جرحك مع الوقت زايل
(مهران العدوان)

‏ليت العمامة سالمة من متونه
‏اليا لبسها طاح سعر العمامة
‏لو فالمراجل "ساهر" يطبقونه
‏في كل صبح وليل ياخذ ،، غرامة
‏ماهوب خادعنا بضحكة سنونه
‏ولاهوب خادعنا بـ حالي كلامه
ادارة الأحوال .. لو يعرفونه
‏بعد اسمه يحطون "وانت بكرامه"
(ابراهيم مرشود)

دكتور سجلني غيابن على طول
ما ني بحاضر للدروس التعيسه
خليتني ما بين حاضر ومجهول
اجهل مفاهيم الكلام الرئيسه
اتعبتني بالشرح والعقل مسطول
حتى جنوني عاجز اني لأقيسه
لحول من شرحك بعد ايه لحول
انت السبب بفراق بنتن نفيسه
عطيتها روحي بها صرت مشغول
كني اسد ينطر مرور الفريسه
ادري بليت القلب بالوصف والقول
بس البلا يا ناس مـ اقدر اجيسه
تمشي بدلع واللبس يا موضة الكول
وانا شماغي شاريّه دون كيسه
يعني تناقض بيننا مو بـ معقول
هي الكلام الذرب وانا طميسه
(غير معروف)

لاتموت.. ولاتفكر بالرقاد
إلا.. وموصل طموحك غايته
(محمد المطيري)

تباركت ربي قد نرى الخير في الهوى
كما قد نرى قي الشر بعض المراشد
وما أنا إلا المزدهي بوقوفـه
ببابك يرجو منك خير العوائـد
وإني لموصول الرجاء.. فلقني
من البر ما يدمـي قلوب الحواسـد
(محمد حسن فقي)