أخر الأبيات المضافة

يوم الله آتى بك علي و بِنت
أبسألك عنْك .. وعن أجناسك
من طين؟ والا من حجر وإسمنت
أنا بديت أشك .. في ساسك!
تدوّر الزلة .. و أدوّرك أنت
و تقّطع احبالك وأنا ماسك
(مزيد الوسمي)

وش صرت من بعدي؟ وقبل وش كنت
كلام واجد داخل أقواسك
باقي من أشيائك بعد ما خنت
عطرِ قديم بـهيئة أنفاسك
هانت عليّ جروحك وما هنت
لـ الحين أشوفك غير عن ناسك
لانت قلوب الناس لي .. مالنت!
يا شرهة أغصاني على فاسك
(مزيد الوسمي)

مدري متى ترضى؟ وأنا اللي كنت
رغم الزعل راضي ومتماسك
من بعد كل اللي حصل آمنت
برد الشتاء أدفى من إحساسك
كل البلاوي فوق راسي و أنت
كل البلاوي .. من تحت راسك
(مزيد الوسمي)

أكثر الأبيات تقييم

انت كالطفل الذي تجري دموعه
زعله ورضاه في لحظة يتم
ياخذ الدنيا على كيفه وطوعه
والطفل عمر الطفل ما ينتقم
(عبداللطيف البناي)

تكفى يابو قلبي وعمّه وخاله
تكفى يابو كل الجروح القديمه
تكفى تعزيني بجرحن بقاله
في خاطري مثل انتظار الهزيمه
لديت يمّك شفت جرحك لحاله
ولديت يمّي شفت ضحكه يتيمه !
(غير معروف)

راحت على اهل السيف ومزارق الشلف
يومن غدا الدينار سيف(ن) وشلفا
(غير معروف)