التتن دامه في الدكاكين باشريه
بريال والا بألف ماهو خسارة
يا مهبلك يا معذربه عند راعيه
من عذربه عندي بينقص وقاره
لولاه.. بوسوس وبا أمرض واباتيه
وتشوفني في كل شارع وحارة
انشهد انه حلو واللي محليه
راعيه ما تطفي مشاهيب ناره
(مطلق ناصر الهاجري)
والله ماحسبك خصيمي ولا ند
تبطي ولا تاصـل مواصيل جمي
أصبر أذا وقتي قسى بيوم وأشتد
عزمي قوي ياللي تهاونت عزمي
(سنجار) كان انه تزحزح أو انهد
في ساعته حركت شعره بجسمي
ياخي اذا جزرك تحول الى مد
مايعني انك قادر بيوم هدمي
كاني حليم وقلتلك روق وهد
مايعني هذا تطمح تكون خصمي
(زاهد الشمري)
